Az  |   En  |   Ru
axtar

 

XARICI VƏTƏNDAŞLARIN UNIVERSITETƏ QƏBUL  QAYDALARI

 

I. Əcnəbi vətəndaşlar üçün hazırlıq fakültəsində təhsil

II. Universitetdə bakalavr pilləsində təhsil

III. Universitetdə magistr pilləsində  təhsil

IV. Universitetdə doktoranturada  təhsil

V. 2011/2012-ci tədris ili üçün təhsil haqqları (Əcnəbi vətəndaşlar üçün)

 

I. Əcnəbi vətəndaşlar üçün hazırlıq fakültəsi  

Hazırlıq fakültəsinə  sənəd qəbulu  hər tədris ili sentyabr ayının  1-dən oktyabr ayının 30-na kimidir. Dərslər sentyabr  ayının 15-i başlanır.     

Hazırlıq fakültəsində  təhsil almaq üçün universitetə aşağıdakı sənədlər təqdim  olunur: 

- hazırlıq fakültəsinə qəbul üçün rektorun adına ərizə (ixtisas göstərilməklə və tədris dili göstərilməklə);

- keçdiyi fənlər və həmin fənlərdən aldıqları qiymətləri göstərən təhsil haqqında sənədlər 

- tibbi arayış və tələbənin gəldiyi ölkənin rəsmi səhiyyə  orqanları tərəfindən verilən   QİÇS (AİDS) təhlil testi;

- pasport və ya şəxsiyyətini təsdiq edən sənədin surəti (Azərbaycan Respublikasına giriş vizası olmaqla);

- tərcümeyi-hal

- 8 ədəd 3x4 ölçüdə foto.

 

Qeyd: Yuxarıda göstərilən sənədləri həmçinin email vasitəsilə də təqdim edə bilərsiniz: htf@azmiu.edu.az; ipps@azmiu.edu.az

Sadalanan sənədlər azərbaycan dilinə tərcümə olunmalı və notarius tərəfindən təsdiq olunmalıdır.

Xarici vətəndaş ilə universitet arasında müqavilə bağlanır. Təhsil haqqı hər semestrin  əvvəlində tələbənin özü tərəfindən Təhsil Nazirliyinin təsdiq etdiyi məbləğdə ABŞ dolları ilə ödənilir. Əcnəbi tələbə hər hansı üzürlü və üzürsüz səbəbdən təhsilini davam etdirə bilmədiyi və ya davam etdirmək istəmədiyi halda, habelə yuxarıda göstərilən əsaslara görə universitetdən xaric olunduqda ödənilmiş təhsil haqqı qaytarılmır. Xarici vətəndaşın universitetə qəbul əmri verildiyi gündən o, universitetin tələbəsi  statusunu alır.

Universitetdə  hazırlıq fakültəsində təhsil müddəti 1 ildir. Dil kurslarında təhsil müddəti 3-6 aydır.

Hazırlıq fakültəsində təhsil azərbaycan, rus və memarlıq ixtisası üzrə ingilis dilində də aparılır.

Xarici vətəndaşların Azərbaycan Respublikası Dövlət Miqrasiya Xidmətində qeydiyyatı  aparılır:

  -   1 illik müvəqqəti yaşamaq hüququ                    

Xarici tələbə  kitabxana, idman kompleksi, tibbi xidmət,yataqxana, habelə  ödənişli əsaslarla təhsil alan azərbaycanlı tələbələ üçün müəyyən olunmuş digər hüquqlardan istifadə edir və xarici tələbə öz növbəsində:

- təhsil müəssisəsinin daxili intizam qaydalarına riayət edir;

- təhsil müəssisəsinin əmlakının korlanmasına yol vermir;

- onun təqsiri üzündən təhsil müəssisəsinə vurulmuş zərəri ödəyir.

Xarici tələbə hazırlıq fakültəsində müvəffəqiyyətlə təhsilini bitirdikdə ona müvafiq ixtisas və təhsil  aldığı dilə uyğun şəhadətnamə verilir.

Yuxarı

 

 

II. Universitetdə bakalavr pilləsində təhsil:

 

Universitetdə əyani şöbəyə sənəd qəbulu  hər tədris ili sentyabr ayının  15-i və

             qiyabi şöbəyə isə sənəd qəbulu oktyabr ayının 30-na  kimidir.

              əyani şöbədə dərslər sentyabr  ayının 15-i başlanır.     

1.   Xarici vətəndaşlar universitetdə təhsil almaq üçün aşağıdakı sənədləri təqdim edir: 

- hazırlıq fakültəsini bitirmək haqqında şəhadətnamə (tələbə hazırlıq fakültəsini bitirdiyi ixtisasa və diləuyğun təhsilini bakalavr pilləsində davam etdirməlidir.)

- universitetə qəbul üçün rektorun adına ərizə (ixtisas göstərilməklə);

- təhsil haqqında sənəd (keçilən dərslər göstərilməklə);

- tibbi arayış və tələbənin gəldiyi ölkənin rəsmi səhiyyə  orqanları tərəfindən verilən   QİÇS (AİDS) təhlil testi;

- pasport və ya şəxsiyyətini təsdiq edən sənədin surəti (Azərbaycan Respublikasına giriş vizası olmaqla);

- tərcümeyi-hal;

- 8 ədəd 3x4 ölçüdə foto;

Sadalanan sənədlər azərbaycan dilinə tərcümə olunmalı və notarius tərəfindən təsdiq olunmalıdır.

1. Xarici vətəndaş ilə universitet arasında müqavilə bağlanır. Təhsil haqqı hər semestrin

 əvvəlində tələbənin özü tərəfindən  Təhsil Nazirliyinin təsdiq etdiyi məbləğdə  ABŞ  dolları ilə ödənilir.

Əcnəbi tələbə hər hansı üzürlü və üzürsüz səbəbdən təhsilini davam etdirə bilmədiyi və ya davam etdirmək istəmədiyi halda, habelə yuxarıda göstərilən əsaslara görə  universitetdən xaric olunduqda ödənilmiş təhsil haqqı qaytarılmır.

1. Xarici vətəndaşın universitetə qəbul əmri verildiyi gündən o, universitetin tələbəsi statusunu alır.

Universitetdə  əyani şöbədə təhsil müddəti 4 il,qiyabi şöbədə isə 5 ildir. (Memarlıq ixtisasında qiyabi şöbə yoxdur).Təhsil azərbaycan, rus və memarlıq ixtisası üzrə ingilis dilində də aparılır.

1.  Əyani şöbədə təhsil alan əcnəbi tələbələrin   Azərbaycan Respublikası  Dövlət Miqrasiya Xidmətində qeydiyyatı  aparılır:

-   1 illik müvəqqəti yaşamaq hüququ  verilir.                  

5.  Əcnəbi tələbə  kitabxana, idman kompleksi, tibbi xidmət,yataqxana, habelə  ödənişli əsaslarla təhsil alan azərbaycanlı tələbələr üçün müəyyən olunmuş digər hüquqlardan istifadə edir və xarici tələbə öz növbəsində.

- təhsil müəssisəsinin daxili intizam qaydalarına riayət edir;

- təhsil müəssisəsinin əmlakının korlanmasına yol vermir;

- onun təqsiri üzündən təhsil müəssisəsinə vurulmuş zərəri ödəyir.

6. Əcnəbi tələbə müvəffəqiyyətlə təhsilini bitirdikdən sonra ona müvafiq ixtisas və dərəcə  almağına dair  bakalavr diplomu  verilir.

 Yuxarı

 

III.  Universitetdə magistr pilləsində  təhsil

Təhsildə yüksək göstəricilər əldə edən məzunlar bakalavr diplomlarına uyğun müvafiq istiqamətlərdə təhsillərini magistr pilləsində davam etdirə bilirlər. Bakalavr pilləsini Azərbaycan Respublikasında bitirməyən əcnəbi vətəndaşlar magistraturada təhsil almaq üçün Əcnəbi Tələbələrin Hazırlığı fakültəsində dil kurslarını keçməlidirlər. Magistraturada dərslər sentyabr ayının 15-də başlanır.

Xarici vətəndaş ilə universitet arasında müqavilə bağlanır. Təhsil haqqı hər semestrin əvvəlində magistrin  özü tərəfindən Təhsil Nazirliyinin təsdiq etdiyi məbləğdə  ABŞ  dolları ilə ödənilir. Əcnəbi magistr hər hansı üzürlü və üzürsüz səbəbdən təhsilini davam etdirə bilmədiyi və ya davam etdirmək istəmədiyi halda, habelə yuxarıda göstərilən əsaslara görə universitetdən xaric olunduqda ödənilmiş təhsil haqqı qaytarılmır. Magistraturada təhsil müddəti əyani şöbədə 2 il, qiyabi şöbədə isə 2,5 ildir. Memarlıq istiqaməti üzrə qiyabi təhsil yoxdur.  Əcnəbi magistr müvəffəqiyyətlə təhsilini bitirdikdən sonra ona müvafiq ixtisas və dərəcə almağına dair magistr diplomu verilir.

   Yuxarı

 

IV. Universitetdə doktoranturada  təhsil

 

Magistr pilləsində təhsilini müvəffəqiyyətlə bitirən  xarici vətəndaşlar 

doktoranturada  təhsil ala bilirlər. Magistraturanı Azərbaycan Respublikasinda bitirməyən 

əcnəbi vətəndaşlar dil kurslarini keçməlidirlər.

 

Azərbaycan Memarlıq və İnşaat Universitetində 2012/2013-cü tədris ili üçün təhsil haqqları 

(Əcnəbi vətəndaşlar üçün)

 

 

Ünvan :  AZ 1073, Bakı, A.Sultanova küç.5, bina 1

Tel:  (+994 12) 539 05 97;  539 07 48;  538 94 01;  432 52 26;  434 58 60;  434 52 86

 

Email :                                              foreign_prorector@yahoo.com  

Xarici tələbələrin təhsili dekanlığı : ettf@azmiu.edu.az  

Xarici tələbələrin hazırlıq fakültəsi :htf@azmiu.edu.az

Yuxarı