Mətbuat və informasiya şöbəsi

        Mətbuat və informasiya şöbəsi 2017-ci ilin yanvar ayında yaradılıb. Rektorluq yanında fəaliyyət göstərən şöbə kütləvi informasiya vasitələri ilə işgüzar əlaqələr yaradır və ictimaiyyəti universitetlə bağlı yeniliklərlə məlumatlandırır. Eyni zamanda professor-müəllim heyəti  və tələbələri universitetdə görülən işlər, qarşıda duran vəzifələrlə tanış edir.  Şöbə öz fəaliyyətində “Təhsil haqqında”, “İnformasiya əldə etmək haqqında” Azərbaycan Respublikası  qanunlarını,  AzMİU-nun Nizamnaməsini və digər normativ-hüquqi aktları rəhbər tutur. 
        Şöbə  ictimai təşkilatlarda, Kütləvi İnformasiya Vasitələrində, o cümlədən digər təhsil müəssisələri və ayrı-ayrı vətəndaşlarla əlaqədə universitetin  maraqlarının təmsilçisi kimi çıxış edir. 
Şöbənin əsas vəzifəsi universitetin elm, təhsil və digər ictimai faydalı fəaliyyətini təbliğ etmək; tədris və elmi nailiyyətləri yerli media orqanlarında, saytlarda, televiziya verilişlərində işıqlandırmaq; universitetdə keçirilən tədbirlərlə bağlı press-relizlər hazırlamaq; Azərbaycan, rus və ingilis dillərində olmaqla gündəlik xəbərləri AzMİU-nun saytına yerləşdirmək; universitetin fəaliyyəti ilə bağlı Kütləvi İnformasiya Vasitələrində yayımlanan və həqiqətə uyğun gəlməyən  məlumatlarla bağlı zəruri hallarda universitetin strukturlarının iştirakı ilə cavab hazırlamaq və təhrif olunan halların aradan qaldırılması üçün tədbirlər görmək, habelə universitetin dövlət, ictimai və işgüzar strukturlarla əməkdaşlığına yardım etməkdir. 
        Mətbuat və informasiya şöbəsi universitetin rəsmi mətbu orqanı olan “İnşaatçı kadrlar” qəzetinin işinə də yardımçıdır. Çoxtirajlı “İnşaatçı kadrlar” qəzeti 1983-cü ildən  nəşr olunur. Ötən bu illər ərzində qəzet universitetdə aparılan təlim-tərbiyə işində, tələbə gənclərimizin vətənpərvərlik ruhunda böyümələrində rektorluğa, professor-müəllim heyətinə və fakültə dekanlıqlarına həmişə yaxından köməklik göstərib və bu gün də göstərir. 
       “İnşaatçı kadrlar” qəzetinin səhifələrində dərc olunan materialların əsas məzmununu universitetdə təhsil alan  tələbə gənclərin təlim-tərbiyə məsələləri, milli təhsilimizin uğurları, Azərbaycan xalqına mənsubluq, Vətənə bağlılıq, milli həmrəylik və azərbaycançılıq kimi duyğu və ideyalar təşkil edir. 
Qəzetin hər nömrəsində tələbə və müəllimlərimizin elmi uğurlarına, Azərbaycan dilinin saflığına, mənəviyyatımızın paklığına, habelə ölkə başçımızın daxili və xarici siyasətini dəstəkləyən yazılara həmişə geniş yer verilir. Qəzetin fəaliyyətinə universitet rəhbərliyi tərəfindən də həmişə diqqət və qayğı göstərilir. 
Mətbuat və informasiya şöbəsi “İnşaatçı kadrlar” qəzeti ilə birlikdə universitetdə keçirilən mühüm əhəmiyyətli tədbirlərdən hazırladığı xəbərləri, fotoşəkilləri internet saytı vasitəsilə ölkə ictimaiyyətinə operativ çatdırır.

Ünvanımız: AZ 1073, Bakı şəhəri, Ayna Sultanova küçəsi, 11.
I saylı tədris binası,  II mərtəbə, 213-cü otaq.   
Telefon: (+994 12) 539 10 45 (6-08), (5-43) 
E-poçt: redaksiya@azmiu.edu.az, redaksiya@inbox.ru


                                                      Heyət


Nəcibə Tariyel qızı Mirzəyeva
Mətbuat və informasiya şöbəsinin müdiri
İş telefonu: (+994 12) 539 07 28  (6-08)
Mob: +994 50 309-19-67 
WhatsApp: +994 50 723 96 56 
E-poçt: necibemirzayeva1@gmail.com

      Nəcibə Tariyel qızı Mirzəyeva 1995-ci ildə Bakı Dövlət Universitetinin Jurnalistika fakültəsini bitirib. Universitetdə oxuduğu illərdən jurnalist fəaliyyəti ilə məşğuldur, müxtəlif qəzetlərlə əməkdaşlıq edib. 1996-cı ildə “Ekspress” qəzetində müxbir olaraq işə başlayıb.  Daha sonra “Hürriyyət”, “Azadlıq”, “Kaspi” qəzetlərində müxbir işləyib. 
2007-ci ildən 2012-ci ilədək Beynəlxalq Mətbuat Mərkəzinin saytına (bmm.az) rəhbərlik edib. 2013-2017-ci illərdə Bakı Slavyan Universitetinin Azərbaycan ədəbiyyatı və jurnalistika fakültəsində müəllim işləyib. 
2016-cı ildə Azərbaycan Memarlıq və İnşaat Universitetində Mətbuat xidmətinin rəhbəri təyin olunub. Rektorun 5 yanvar 2017-ci il tarixli əmri ilə Mətbuat və informasiya şöbəsinin müdiri təyin edilib.
Ali məktəb həyatından bəhs edən çoxsaylı publisistik yazıların, 11 elmi məqalənin, bir fənn proqramının müəllifidir. 

      Akif Nemət oğlu Hacıyev
“İnşaatçı kadrlar” qəzetinin redaktoru
İş telefonu: (+994 12) 539 10 45 (5-43)
Mob: +994 50 418 16 16 
E-poçt: redaksiya@azmiu.edu.az, redaksiya@inbox.ru 
Akif Nemət oğlu Hacıyev ali təhsilini Bakı Dövlət Universitetinin Jurnalistika fakültəsində alıb.
Əmək fəaliyyətinə 1967-ci ildə Qəbələdə çıxan “Qalibiyyət” rayon qəzeti redaksiyasında ədəbi işçi kimi başlayıb. 
1972−1982-ci illərdə “Kommunist” qəzeti redaksiyasında çalışıb. 
1983-cü ildən Azərbaycan Memarlıq və İnşaat Universitetinin “İnşaatçı kadrlar” qəzetinin redaktoru, 1991-ci ildən isə redaktorluq fəaliyyəti ilə yanaşı, həmin universitetin Azərbaycan dili və pedaqogika kafedrasının müəllimi vəzifəsində işləyir.
2002-ci ildə namizədlik dissertasiyasını müdafiə edərək filologiya üzrə fəlsəfə doktoru alimlik dərəcəsi, 2011-ci ildə dosent elmi adı alıb.
Azərbaycan dilçiliyinə aid 30 elmi-nəzəri  məqalənin, 2 dərsliyin, 1 fənn proqramının, habelə ali məktəb həyatından, mədəniyyət və incəsənətdən bəhs edən bir çox publisistik yazının müəllifidir.
2010-cu ildə Azərbaycan Respublikası Prezidentinin Sərəncamına əsasən “Tərəqqi” medalı ilə təltif olunub. 2012-ci ildə “Qızıl Qələm” media mükafatına layiq görülüb. 

Mütəxəssis: Günel Fazil qızı Həsənova
           E-poçt agali_gunel@mail.ru , gunelagali5@gmail.com 

Kompüter operatoru: Nigar Bəhlul qızı Cəniyeva
           E-poçt  nigar.janiyeva1@gmail.com 

Fotoqraf:  Əhməd İmamverdi oğlu Hüsüzadə
           E-poçt  husiev1993@mail.ru

 

 

































































































Fakültə haqqında. Memarlıq fakültəsi öz köklü ənənələrinə görə universitetimizdə və memarlıq ixtisasını tədris edən digər ali məktəblər arasında həmişə seçilmişdir. Fakültə Memarlıq və dizayn ixtisasları üzrə bakalavr və magistr təhsili pilləsində mütəxəssislər hazırlayır. Fakültənin professor-müəllim heyətinin böyük əksəriyyəti memarlıq layihələndirilməsi- şəhərsalma, dizayn, abidələrin bərpası sahəsində respublikanın tanınmış mütəxəssisləri və alimləridir. Hal - hazırda fakültədə AMEA-nın 1 müxbir üzvü, 12 memarlıq doktoru, 17 professor, 33 memarlıq üzrə fəlsəfə doktoru, dosent öz dərin nəzəri və praktik biliklərini tələbələrimizlə paylaşır. Onlardan 2 nəfəri «Şöhrət» ordeni laureatı, 12 nəfəri respublikanın əməkdar memarı, 1 nəfəri isə Respublika Dövlət mükafatı laureatı fəxri adlarına layiq görülmüşdür.

Fakültənin 21 professor, 33 memarlıq üzrə fəlsəfə doktoru, dosent, baş müəllim və müəllim olmaqla 122 üzvü vardır.

Fakültədə təhsil. Fakültəyə daxil olmaq istəyən abituriyentlər qabiliyyət seçimindən sonra Tələbə Qəbulu üzrə Dövlət Komissiyasının keçirdiyi qəbul (test) imtahanlarında iştirak edir və universitetdə rəsm və rəsmxətdən qabiliyyət imtahanı verirlər.

Yaranma tarixi. Memarlıq fakültəsinin 90 ildən artıq yaşı vardır.

İlkin olaraq indiki Neft Akademiyasının nəzdindəki İnşaat fakültəsinin tərkibində Memarlıq bölməsi kimi mövcud olmuşdur. 1968-ci ildə inşaat fakültəsindən memarlıq bölməsinin ayrılması nəticəsində memarlıq fakültəsi yaradılmışdır. Memarlıq fakültəsində 2 istiqamətdə memarlıq və dizayn sahəsi üzrə tədris olunan fənlərin elmi-təcrübi fəaliyyətinin əsas məqsədi layihələndirmə prosesinin mənimsənilməsinə yönəldilmişdir. Fakültənin bakalaviatura, magistratura və doktorantura bölməsində hər bir istiqamətdə olan ixtisaslar üzrə kadr hazırlığı aparılır. Fakültəni bitirən mütəxəssislər memarlıq, şəhərsalma, ətraf mühitin dizaynı, tarixi abidələrin bərpası, dizayn və s. sahələrdə səmərəli fəaliyyət göstərirlər.

Fakültə haqqında. Memarlıq fakültəsi öz köklü ənənələrinə görə universitetimizdə və memarlıq ixtisasını tədris edən digər ali məktəblər arasında həmişə seçilmişdir. Fakültə Memarlıq və dizayn ixtisasları üzrə bakalavr və magistr təhsili pilləsində mütəxəssislər hazırlayır. Fakültənin professor-müəllim heyətinin böyük əksəriyyəti memarlıq layihələndirilməsi- şəhərsalma, dizayn, abidələrin bərpası sahəsində respublikanın tanınmış mütəxəssisləri və alimləridir. Hal - hazırda fakültədə AMEA-nın 1 müxbir üzvü, 12 memarlıq doktoru, 17 professor, 33 memarlıq üzrə fəlsəfə doktoru, dosent öz dərin nəzəri və praktik biliklərini tələbələrimizlə paylaşır. Onlardan 2 nəfəri «Şöhrət» ordeni laureatı, 12 nəfəri respublikanın əməkdar memarı, 1 nəfəri isə Respublika Dövlət mükafatı laureatı fəxri adlarına layiq görülmüşdür.

Yaranma tarixi. Memarlıq fakültəsinin 90 ildən artıq yaşı vardır.

İlkin olaraq indiki Neft Akademiyasının nəzdindəki İnşaat fakültəsinin tərkibində Memarlıq bölməsi kimi mövcud olmuşdur. 1968-ci ildə inşaat fakültəsindən memarlıq bölməsinin ayrılması nəticəsində memarlıq fakültəsi yaradılmışdır. Memarlıq fakültəsində 2 istiqamətdə memarlıq və dizayn sahəsi üzrə tədris olunan fənlərin elmi-təcrübi fəaliyyətinin əsas məqsədi layihələndirmə prosesinin mənimsənilməsinə yönəldilmişdir. Fakültənin bakalaviatura, magistratura və doktorantura bölməsində hər bir istiqamətdə olan ixtisaslar üzrə kadr hazırlığı aparılır. Fakültəni bitirən mütəxəssislər memarlıq, şəhərsalma, ətraf mühitin dizaynı, tarixi abidələrin bərpası, dizayn və s. sahələrdə səmərəli fəaliyyət göstərirlər.

Fakültədə təhsil. Fakültəyə daxil olmaq istəyən abituriyentlər qabiliyyət seçimindən sonra Tələbə Qəbulu üzrə Dövlət Komissiyasının keçirdiyi qəbul (test) imtahanlarında iştirak edir və universitetdə rəsm və rəsmxətdən qabiliyyət imtahanı verirlər.