Professor-müəllim heyətinin Cəbrayıl, Qubadlı və Zəngilan rayonlarına səfəri təşkil ediləcək

İyunun 4-də Azərbaycan Memarlıq və İnşaat Universitetinin (AzMİU) professor-müəllim heyətinin Cəbrayıl, Qubadlı və Zəngilan rayonları ərazilərinə səfəri təşkil ediləcək. 

AzMİU ilə “Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti” publik hüquqi şəxsin qarşılıqlı əməkdaşlığının davamı olaraq gerçəkləşdiriləcək səfər çərçivəsində professor-müəllim heyəti sözügedən əraziləri gəzəcək, aparılan tikinti-quruculuq və bərpa işləri ilə yaxından tanış olacaqlar.

Səfərdə iştirak etmək istəyən şəxslərdən şəxsiyyət vəsiqələri ilə 30.05.2024-cü il tarixində saat 14:00-dan 16:00-a kimi AzMİU-nun Təcrübə və Karyera Mərkəzinə müraciət etmələri tələb olunur. 

Məlumat üçün bildirək ki, yerlər məhduddur və səfər heyətində təmsil olunacaq şəxslərin seçimi aparılarkən professor-müəllim heyətinin ixtisasının həmin ərazilərdə həyata keçirilən tikinti-quruculuq və bərpa işləri ilə bağlı elmi yaxud da praktiki uyğunluğu əsas götürüləcək. 

Səfərin gündəliyi ilə aşağıdakı cədvəldə tanış ola bilərsiniz.

                                         TƏDBİRİN GÜNDƏLİYİ                                                    

№	Mövzu	İcra Müddəti		Qeyd
		Başlama	Bitmə
1	Bakıdan yola düşmə	07:00	11:30
2	Cəbrayıl rayonu, Horovlu kəndində gedən tikinti işləri ilə tanışlıq	11:30	12:00
4	Kəhrizlərə baxış və haqqlarında məlumat	12:00	12:30
5	Zəngilan, Ağalı kəndinə çatma	12:30	13:00
6	Nahar fasiləsi	13:00	14:00
7	Kənd mərkəzində gəzinti	14:00	14:30
8	Arximed, Ağalı kənd məktəbi, Ağalı otelə ekskursiya	14:30	15:00
9	Zəngilan Konqres Mərkəzinə yola düşmə	15:00	15:30
10	Zəngilan Konqres Mərkəzində ekskursiya	15:30	16:00
11	Zəngilan rayonu, Cahangirbəyli kəndində gedən tikinti işləri ilə tanışlıq	16:00	17:00
12	Bakıya yola düşmə	17:30	22:00