AzMİU-da tələbələr üçün “Conversation Club” təşkil olunub

Azərbaycan Memarlıq və İnşaat Universitetinin (AzMİU) Dizayn və Tikinti-iqtisad fakültələrinin tələbələri üçün “Conversation Club” təşkil olunub. 

İngilis dili səviyyəsini yüksəltmək istəyən tələbələr üçün “British Academy”nin “native speakeri” tərəfindən İtaliya – Azərbaycan  Dizayn Mərkəzində  gerçəkləşən “Conversation Club”da mövzu memarlıq və iqtisadiyyatı əhatə edib. Aktiv dialoqlar və mövzuya uyğun müzakirələrlə keçən “Conversation Club” böyük marağa səbəb olub. 

Qeyd edək ki, Strateji planlaşdırma şöbəsi tərəfindən hər 5-ci gün ödənişsiz təşkil edilən “Conversation Club”ın keçirilməsində məqsəd tələbələrin ingilis dili səviyyələrini təkmilləşdirmək, onların bu dildə danışıq vərdişlərini inkişaf etdirməkdir.