AzMİU tələbələrinin “Şöhrət” muzeyinə ekskursiyası təşkil olunub

Azərbaycan Memarlıq və İnşaat Universiteti (AzMİU) Tələbə Gənclər Təşkilatının sədri Tacir İsmayılzadə və bir qrup tələbə Ümummilli Lider Heydər Əliyevin anadan olmasının 101-ci ildönümü münasibətilə Dövlət Təhlükəsizliyi Xidmətinin Heydər Əliyev adına Akademiyasının “Şöhrət” muzeyinə ekskursiya ediblər.

Tələbələr “Şöhrət” muzeyində Ulu Öndərin zəngin həyat və fəaliyyətini əks etdirən fotostendlər və eksponatlarla tanış olublar.

Ekspozisiya ilə tanışlıq zamanı gənclərin sualları cavablandırılıb.

Qeyd edək ki, muzey Ümummilli Liderin xatirəsini əbədiləşdirmək, həyat və fəaliyyətinin, nəsillərə örnək olan mənalı ömür yolunun və irsinin öyrənilməsini, gələcək nəsillərə çatdırılmasını, Azərbaycan gəncliyinin Heydər Əliyev amallarına sədaqət ruhunda tərbiyə olunmasını təmin etmək məqsədilə yaradılmışdır.