AzMİU-da “Açıq qapı” günləri keçiriləcək

Azərbaycan Memarlıq və İnşaat Universitetində (AzMİU) 2023/2024-cü tədris ilinin payız semestrinin qış imtahan sessiyası ilə əlaqədar olaraq Kütləvi informasiya vasitələri (KİV), ictimaiyyət nümayəndələri və valideynlər üçün “Açıq qapı” günləri keçiriləcək.

“Açıq qapı” günlərinin məqsədi imtahanların şəffaf təşkilinin ictimaiyyət tərəfindən izlənilməsi və qiymətləndirilməsidir. Universitetin imtahanlara səlahiyyətli nümayəndələri tərəfindən müşahidəçilər xüsusi ayrılmış zallarda test və yazılı imtahanların gedişini izləyəcək, eyni zamanda yazılı imtahanların şifrələnmə otağında olacaq, prosesə canlı şahidlik edəcəklər.

“Açıq qapı” günlərində iştirak etmək istəyən şəxslər saat 10:00-16:00 aralığında şəxsiyyət vəsiqəsi ilə universitetə yaxınlaşmalıdır. 

“Açıq qapı” günlərində iştirak etmək istəyən Kütləvi informasiya vasitələri (KİV), ictimaiyyət nümayəndələri və valideynlər aşağıdakı linkə daxil olaraq qeydiyyatdan keçməlidirlər.

https://docs.google.com/forms/d/e/1FAIpQLSemivboz42FGWOX7dtzbpQzvhH9e_1whO_E_x0D5sicAUg_bQ/viewform