Yaranma tarixi və məqsəd. Azərbaycan Memarlıq və İnşaat Universitetində 1977-ci ildən xarici ölkələr üçün kadr hazırlığı aparılır. Fəaliyyətə başladığı gündən bu günədək universiteti dünyanın 40-dan artıq ölkəsindən 1300-dən artıq əcnəbi tələbə bitirmiş və 60-a yaxın əcnəbi vətəndaş alimlik dərəcəsi almışdır.

Dekanlıq əcnəbi vətəndaşların universitetdə təhsillərini bakalavr, magistr pillələrində və doktoranturada Azərbaycan, rus dillərində təşkil edir. ( 2007-ci ildən universitetdə təhsilin bakalavr pilləsində memarlıq ixtisası üzrə ingilis dilində tədris aparılır.) Təhsil əyani və qiyabi şöbədə həyata keçirilir. 

Fakültədə təhsil. 2009-2010-cu tədris ilindən universitetə qəbul olunan əcnəbi tələbələr   Boloniya konvensiyası tərəfindən müəyyənləşdirilən Beynəlxalq təhsil sistemi ilə təhsil alırlar.

Bakalavr pilləsində təhsil almaq istəyən xarici vətəndaşlar hazırlıq fakültəsini bitirmək haqqında şəhadətnamə təqdim edir və hazırlıq fakültəsini bitirdiyi ixtisasa və dilə uyğun təhsillərini davam etdirirlər. Xarici vətəndaş ilə universitet arasında müqavilə bağlanır. Universitetdə  əyani şöbədə təhsil müddəti 4 il, qiyabi şöbədə isə 5 ildir. (Memarlıq ixtisasında qiyabi şöbə yoxdur). Təhsil Azərbaycan, rus və memarlıq ixtisası üzrə ingilis dilində də aparılır. Əcnəbi tələbə müvəffəqiyyətlə təhsilini bitirdikdən sonra ona müvafiq ixtisas və dərəcə almağına dair  bakalavr diplomu  verilir.

Təhsildə yüksək göstəricilər əldə edən məzunlar bakalavr diplomlarına uyğun müvafiq istiqamətlərdə  təhsillərini magistr  pilləsində davam etdirə bilirlər. Bakalavr pilləsini Azərbaycan Respublikasında bitirməyən əcnəbi vətəndaşlar  magistraturada təhsil almaq üçün dil kurslarını keçməlidirlər. Xarici vətəndaş ilə universitet arasında müqavilə bağlanır. Magistraturada təhsil müddəti əyani şöbədə 2 il,qiyabi şöbədə isə 2,5  ildir. Memarlıq istiqaməti üzrə qiyabi təhsil yoxdur. Əcnəbi magistr müvəffəqiyyətlə təhsilini bitirdikdən sonra ona müvafiq ixtisas və dərəcə almağına dair  magistr diplomu verilir.

Magistr pilləsində təhsilini müvəffəqiyyətlə bitirən xarici vətəndaşlar doktoranturada  təhsil ala bilirlər. Magistraturanı Azərbaycan Respublikasında bitirməyən əcnəbi vətəndaşlar dil kurslarını keçməlidirlər.

Xarici vətəndaşlar üçün qəbul qaydaları

Fakültə. Dekanlığın 8 əməkdaşı vardır.  

Dekan - Sadıkov Polad Mamed oğlu           

Ünvan:Az 1073, Bakı, A. Sultanova küçəsi. 5

Tel: (+994 12) 538 94 01 

E-mail: ettf@azmiu.edu.az