Əcnəbi vətəndaşların hazırlığı fakültəsi

Yaranma tarixi və məqsəd. Azərbaycan Respublikası Ali məktəblərində təhsil almaq istəyən əcnəbi vətəndaşlar üçün 1984-cü ildə Azərbaycan Memarlıq və İnşaat Universitetində Əcnəbi Vətəndaşların Hazırlığı fakültəsi (ƏVHF) yaradılmışdır.

Fakültədə təhsil. Hazırlıq fakültəsində təhsil almaq istəyən xarici ölkə vətəndaşları keçdiyi fənlər və həmin fənlərdən aldıqları qiymətləri göstərən təhsil haqqında sənədləri, hazırlıq fakültəsinə qəbul üçün rektorun adına ərizə (ixtisas və tədris dili göstərilməklə), tibbi arayış və vətəndaşın gəldiyi ölkənin rəsmi səhiyyə orqanları tərəfindən verilən QİÇS (AİDS) təhlil testi, pasport və ya şəxsiyyətini təsdiq edən sənədin surəti (Azərbaycan Respublikasına giriş vizası olmaqla), tərcümeyi-hal və 8 ədəd 3x4 ölçüdə fotoşəkil təqdim edirlər. Xarici vətəndaş ilə universitet arasında müqavilə bağlanılır.

Hazırlıq fakültəsində təhsil müddəti 1 ildir. Dil kurslarında təhsil müddəti 3-8 aydır. Xarici vətəndaşların Azərbaycan Respublikası Dövlət Miqrasiya Xidmətində qeydiyyatı aparılır.

Xarici vətəndaş hazırlıq fakültəsində müvəffəqiyyətlə təhsilini bitirdikdə ona müvafiq ixtisas və təhsil aldığı dilə uyğun şəhadətnamə verilir.

Tədris olunan fənlər. Hazırlıq fakültəsində təhsil Azərbaycan, rus, memarlıq ixtisası üzrə isə ingilis dillərində aparılır. Dil fənlərindən başqa riyaziyyat, fizika, kimya, biologiya, coğrafiya, tarix, informatika və s. fənlər də tədris edilir.

Beynəlxalq əlaqələr. Əcnəbi vətəndaşların hazırlığı fakültəsinin Türkiyə Cümhuriyyətinin Ankara və Qazi universitetləri, “Türk öyrətim mərkəzləri", İran İslam Respublikasının Təbriz Universiteti, Rusiya Federasiyasının Moskva Dövlət Universiteti, Rusiya Xalqlar Dostluğu Universiteti və Moskva Avtomobil Yolları Universitetlərinin hazırlıq fakültələri ilə əməkdaşlıq müqavilələri vardır.

Əcnəbi vətəndaşların hazırlığı fakültəsində Türkiyə, Pakistan, İran, Əfqanıstan, Şri-Lanka, ÇXR (Çin Xalq Respublikası), Fələstin, İordaniya, Rusiya, İraq, Türkmənistandan və s. olan vətəndaşlar hazırlıq keçirlər.

Xarici vətəndaşlar üçün qəbul qaydaları

Fakültə. Fakültənin 2 professor, 17 elmlər namizədi, dosent, baş müəllim və müəllim olmaqla 58 üzvü vardır.

Dekan - İskəndərov Ramiz Əziz oğlu.

Fakültənin tərkibində 3 kafedra fəaliyyət göstərir: